Try an Audible book on us

Publisher's Summary

Zindagi ke har kshetra mein sabse zyada safal hone-wale logon aur leaderon mein ek mahatvapoorn gun yah hai ki unhe yah baat achchhi tarah pata hota hai ki ve kaun hai, kismein yakeen karte hai aur kin siddhanton ke buniyad par khade hai. Zyadatar log apne lakshyon, jeevan moolyon aur adarshon ko lekar duvidhagrasth hote hai. Is wajah se ve hamesha aage-peechhe hote rehte hai aur bahut kam haasil kar paate hai. Doosri ore safal leader utne hi ya unse bhi kam yogyataon aur avsaron ke bavjood bhi zyada uplabdhiyan paa lete hai. Zindagi ki andar se bahar ki tarah jeena chahiye. Aapke jeevan moolya aapke vyaktitva ka mool kendra hai. Aapke jeevan moolya hi aapko vah banate hai jo aap abhi hai. Aap bahar jo bhi karte hai, vah har cheez aapke antarik jeevan moolyon dwara nirdeshit aur tay kiye jaate hai. Aapke antarik jeevan moolya jitne zyada spasht hote hai, aapke bahari kaam bhi utne zyada sateek aur asardar hote hai. Aapke jeevan moolyon se aapke vishwas tay hote hai, chaahe vah aapke baare mein ho ya aas-paas ki duniya ke baare mein. Agar aapke jeevan moolya sakaratmak hai, to aap yah vishwas karenge ki aapki duniya mein rehne-wale log bhi inhi jeevan moolyon ke haqdar hai aur aap unke saath aisa hi vyavhar karenge. Tab aapko yakeen hota hai ki aap ek achchhe vyakti hai, aur aap apne saath achchhi cheezein hone ki apeksha karenge. Aise karne se aap sakaratmak, khush aur bhavishya kendrit hote hai tatha logon aur paristhitiyon mein bhalayi ki talash karte hai.
©2010 Original content copyright 2010, Brian Tracy; Hindi translation copyright 2010, Manjul Publishing House Pvt Ltd. (P)2019 Audible, Inc.

What listeners say about Apne Jeevanmoolyon Ko Spasht Karein

Average Customer Ratings

Reviews - Please select the tabs below to change the source of reviews.

No Reviews are Available