Try an Audible book on us

Publisher's Summary

Samay hamare haath se ret ki tarah fisal jaata hai aur dobara kabhi lautkar nahi aata hai. Jo log samay ka istemal smajhdari se karte hai, unhe samriddh, upayogi aur santushtidayak jeevan ka puraskar milta hai. Apne sabhi lakshya haasil karne ke liye aur apni poorn sambhavna tak pohonchne ke liye aapko apne samay par niyantran rakhna hoga. Manovaigyanik aam taur par is baat se sahmat hai ki niyantran ka ehsaas khushi, aatmavishwas, shakti aur vyaktigat sehat ki bhavnaon ki kunji hai. Aur yah ehsaas tabhi sambhav hai, jab aap samay prabandhan ki utkrisht yogyataon ka abhyas karte hai. Achchhi khabar yah hai ki samay prabandhan ek yogyata hai aur kisi bhi anya yogyata ki tarah use bhi seekha ja sakta hai. Ateet mein aap kitne hi avyavasthit rahe ho ya aap mein kam mahatvapoorn gatividhiyon mein uljhe rehne ki kitni hi zyada pravritti ho, aap use badal sakte hai. Aap apne kshetra ke sabse karyakushal, prabhavi aur safal vyaktiyon mein se ek ban sakte hai. Iske liye aapko bas itna seekhna hai ki doosre log duvidha se spasht-ta tak aur kuntha se ekagrata tak kaise pohonche hai. Dohrav aur abhyas ke dwara aap apne kshetra ke sabse zyada parinaam kendrit vyaktiyon mein se ek ban sakte hai. Safalta ke sikke ka samne-wala hissa spasht lakshya rakhne ki yogyata hai aur us sikke ka doosra pehlu khud ko jeevan ke har din aur har minute mein vyavasthit karne aur apna sabse moolyavan kaam karne ki yogyata hai.
©2010 Original content copyright 2010, Brian Tracy; Hindi translation copyright 2010, Manjul Publishing House Pvt Ltd. (P)2019 Audible, Inc.

What listeners say about Apne Samay Ka Sahi Prabandh Karein

Average Customer Ratings

Reviews - Please select the tabs below to change the source of reviews.

No Reviews are Available