Try an Audible book on us

Publisher's Summary

Kayi baar jab akelapan hamare jeevan se guzarta hai ya kuchh waqt ke liye thahra hota hai, tab hume hamara khud se vastavik parichay hota hai. Jab kal ki yaadein ghirti hai, tab hume hamare vyaktitva ki jhalak milti hai. Ghar mein pade yun hi jab hum deewarein niharte hai, tab waqt ke guzarne ka ehsaas hota hai. Jab jeevan mein khalipan pasarta hai, tab hum khud ko tatolte hai aur bhavishya ki parikalpna karte hai. Kayi baar hume akelapan achchha bhi lagta hai. Dheere dheere jab hume uski aadat padne lagti hai, tab kahin aana, jaana, safar karna, kisi ke kareeb aana ya kisi bhi tarah ka badlaav hame achchha nahi lagta hai. Amit aise hi akelepan ki galiyon se ek lambe arse se guzar raha tha. Use koi sudh nahi thi ki wo kab se is tarah akela safar kar raha tha. Uska na koi dost tha, na koi kareebi, aur na koi mukaam, jaise wo waqt ka bas ek raahi ban kar rah gaya tha. Subah bematlab hi time par uth jaana, kaam par chale jaana aur phir shaam ko ghar aakar unhi halaat mein waqt guzaar dena Amit ki roz ki aadat ban chuki thi. Karya sthal par bhi wo kisi se baat nahi karta tha. Chhuttiyon ke dinon mein wo ghar mein akela pada rehta, TV par kuchh bhi dekh leta ya thodi der bahar tahal aata. Par wo kuchh bhi kar raha ho, dimagi taur se purani yadon mein hi safar karta. Un yaadon mein jeena use sukoon deta tha, kyunki uska ateet bahut hi alag tha.
©2019 Kumar Ravi (P)2020 Audible Studios

What listeners say about Khamosh chehre

Average Customer Ratings

Reviews - Please select the tabs below to change the source of reviews.

No Reviews are Available