Try an Audible book on us

Publisher's Summary

Sehgal sahab Dilli ke nivasi the aur unke bachchon ke kehne par bhi vah unke saath America jaane ko raazi nahin huye. Dilli ke Mayur Vihar ke flat mein rehte the, aur Sunil unka bharosemand naukar, unka khayal rakhta tha. Aakhir aisa kya lagaav tha Sehgal sahab ko uss jagah se? Dilli mein behti nadi, Yamuna, unhe bahut priya thi. Poore jeevan unhone Yamuna ko apni zindagi ka ek hissa maana tha. Unke paas bahut qisse bhi the uss nadi ke baare mein! Vah Sunil ko bataate ki ek samay aisa tha jab Yamuna unhe ghar se dikhti thi. Jaise-jaise Dilli shahar phailne laga, Yamuna ne apne kinaare nayi bastiyaan basaayeen. Kalindi Kunj, Sarita Vihar, Mayur Vihar, yah sab Yamuna ke hi tohfe hain. Lekin Yamuna ke baare mein manushya ne nahin socha. Logon ke ghar toh basa diye lekin nadi khud marti rahi, pradooshit hoti rahi. Sehgal sahab apni swargiya patni ko yaad karte huye sochte hain ki patni unke safed-hote baalon mein rang lagaati thi. Unki umr badh rahi thi, baal safed ho rahe the aur doosri taraf Yamuna ka rang bhi badal raha tha. Vah nadi jisne Dilli ko jeevant banaaya, vah safed se kaali ho gayi thi.
©2017 Shan (P)2020 Audible Studios

What listeners say about Meri Pyari Yamuna

Average Customer Ratings

Reviews - Please select the tabs below to change the source of reviews.

No Reviews are Available