Try an Audible book on us

Publisher's Summary

Primary market mein ek baar company dwara IPO athava public issue, right issue ityaadi laaye jane ke paschat, niveshakon ko aavantit kiye gaye share ki khareed-farokht stock exchange se soochibaddh hone ke bad secondary market mein hoti hai. Secondary market mein vibhinn niveshak (institutional tatha retail niveshak) aapas mein shareon ki trading karte hai. Kayi baar company apne khud ke share bhi secondary market ke dwara niveshakon se khareedti hai. Stock exchange ekmatra aisa adhikrit sansthan hai, jiske tatvadhaan mein secondary market mein securities ki trading hoti hai. Jab secondary market mein shareon ki ya kuch vishesh shareon ki trading badi matra mein bahut kam samay mein ki jaati hai to is sthiti ko ‘sakriya bazaar’ ya ‘active market’ kaha jata hai. Is bazaar mein shareon ki khareed keemat va bikri keemat mein kaafi kam antar hota hai. Aisi sthiti mein vitteey sansthano dwara khareedari athava bikri bazaar-sthiti par vishesh prabhav nahi daalti. Vah share jinki trading pratidin tatha nirantar hoti hai, vah ‘sakriya share’ ya ‘active share’ kehlate hai. Pramukh companyon ke share, jo aarthik tatha rajneetik ghatnaon ke prati samvedansheel hote hai, is shreni mein aate hai. Iske vipareet kayi share aise hote hai jo stock exchange mein kabhi-kabaar hi khareede aur beche jate hai. Inki khareedar tatha bikrikarta dhoondna samanya roop me mushkil hota hai. Ye ‘nishkriya share’ ya ‘inactive share’ kehlate hai. Inki khareed va bikri ka keematon mein bhi kaafi antar hota hai.
©2008 Prabhat Prakasha (P)2019 Audible, Inc.

What listeners say about Share Market Guide: Chapter 3 - Secondary market ke mayene

Average Customer Ratings

Reviews - Please select the tabs below to change the source of reviews.

No Reviews are Available