Abasae babere be emiaka ya igatwa abwo bakorwa ase omochi oyomo bwo omogaka Ochora ase Ekenyoro kia Nyankonko Gucha ime ya Nyakwerema Sublocation Ebunge ya Borabu Ekaunti ya Nyamira, mbabete bagosagabwa na gosambwa goika gokwa na abananchi abwo babwate obororo obotindi ase abasae abwo babere bakegeire kobwateranigwa ne ebikorwa ebibe bio oboibi bwe chindagera buna amatoke korwa ase emegondo ya abanyene, naboigo kobuna chinyomba chinsa chia botuko. Ayaiga amo na ayande amange tokoyamanyie goetera omoroberio bwe endege ya MintoFM

Ebikoro bi obosaria amo na oboibi nigo bigendererete koenekigwa ase chinsemo ao ao ime ye Ekaunti ya Nyamira, abwo ase bono egotebekana buna abanto abwo bagoikerania ebikoro ebio nigo bakageire koba baria babete bakobwatokerwa korwa chichera egati ya abande abange. ayaiga amo na ayande amange tokoyamanyie goetera omorobeiro oito bwe endege.

Naki obwenerete korera omwana oo buna omoibori gose buna aye oria otigire orende abana narari aria obwenerete korigereria erio koenekia abana abo ngokina bare ase enchera ere enyikeranu erio nabarabwo bache kobaa abarai ba mambia?, omogeni oito Dr. Rose Moindi, nachie gotosemia amange anene chingaki echiga abana bare erusa etambe.

Abaobisa batenenerete obochenu ase Ekaunti ya Kisii, nigo batuguteire are engana yabete gekobwatokwa buna abarwaire ase enyagitari ya Kisii Teaching and Referral, nigo bakoegwa endagera ebwate ebirengo bianse eywo ekoirera abanto kogenderera korwara, ase keria omowaziri bwo obochenu Ronald Nyakweba, abete kagoteba buna endagera eywo nendonge na ne enchenu na koba ere gekoringorigwa nyuma ya abarwaire bataraegwa. 

Mara aange ase ebinyoro biato nigo abana bamenyete na oborema bakabisirwe erio tibakomanyekana gose mbare ase chinka chiato, korende ase chingaki chia rero nigo ebiombe ao ao biabeire bigoesokia erio koegerera oboene bwa abanto bamenyete na oborema ase chinka chiato. aiga Minto twaba togosanga na Naftal Nyamongo, oywo omenyete na oborema ase aba ogotosemia amange, chingaki ense egochengera rituko ria abanto bamenyete na oborema.  

Mara aange ase ebinyoro biato, abana anene baria batabwati abaibori gose baria abaibori babo buna abang'ina banywomeranetigwe nabwo, ngoetera bare amakongu ao ao na nigo okonyora tibabwati onde baranyare koerera erio konyora obokonyi, nakio kiareire bono ebiombe ao ao gwesokia na korwanerera oboene bwa abana abaiga, buna okonyora chisemi, koegwa amarieta, endagera na korendwa buna abana bande egati ye ebinde ebinge. twabete togosanga na Omosike Gilbert Simba, oywo ore omokonyi bw' omobisa otenenerete ekeombe gi okoegerera oboene bwa abana korwa chinsemo chie Ekerenyo, Ekaunti ya Nyamira, oywo obete ogotosemia amange. 

Oborendi obobe na ebikorwa bio obosaria na ogoitwa kwa abananchi nigo kogendererete koenekigwa ime ye Ekaunti ya Nyamira nonye ne chingaki abarai na abanyanyimbo bagendererete kobwaterana ime ye Ekaunti eywo erio koenekia koirania bare oborendi obuya ase Ekaunti ya Nyamira. ayaiga amo na ayande amange inyora gosanga na gotegerera omoroberio o' Minto Bwakire kera rituko ria Jumatatu goika Ijumaa chinsa chia mambia.

Omwanchwa omotegereri inyora gotegerera estation ya MintoFM kera rituko ria Jumatatu mambia ase tokorigereria amang'ana ao ao aywo agenderete goateka ime ye ense, ase chinkwana chia inchwo emesa toyakwanere na ase omowakili Gibson Gisore akoba kagotosemia na gotoerera amange.