Ikkisvi Sadi ka Lokvyavahar

30 titles in series
5 out of 5 stars 1 rating

Summary

Sabhi log aise logon ko dekhkar dang reh jaate hai jinmein kisi bhi aparichit jagah mein jaakar anjaan logon ke saath sakaratmak baatcheet karne ki swabhavik yogyata hoti hai. Aksar yah maana jaata hai ki yah pratibha janmjaat hoti hai, jiski wajah se ye logon ke paas ek karishmayi vyaktitva hoti hai. Kuch log unke gunon ke baare mein hairani se sochte hai lekin zyadatar log yah maan lete hai ki yah gun janmjaat hai. Par sachchayi yah hai ki prabhavshali logon ka yah karishma unke paida hone se unke paas nahi raha hai. Yah yogyata unke dwara seekhi hui hoti hai aur kisi bhi anya seekhi hui yogyata ki tarah hi ise seekha ja sakta hai agar aapke paas sahi jankari aur seekhne ka sankalp ho. Har vyakti se prabhavshali ban-ne ke liye aapko jin yogyataon ki zaroorat hai, yah pustak aapko pradaan kar sakti hai. In yogyataon ko seekhne ke baad jab aap inhe apne jeevan mein utar lenge, tab aapki lokpriyta nishchit roop se badh jaayegi. Yah pustak un anivarya yogyataon ke baare mein hai, jinke dwara aap lokvyavhar mein asadharan safalta haasil kar sakte hai. Yah pustak aise tayar kiya gaya hai ki aap jis panne se bhi ise kholenge, ek nayi yogyata ko seekh sakte hai. Har adhyay mein kisi ek yogyata ke baare mein batayi gayi hai, aur uska ek udaharan bhi diya gaya hai taaki use aasani se samjha ja sake.

Show More Show Less