Yah kitaab mool roop se samay ka sahi istemaal karne ke tareekon ke baare mein batati hai. Isme 3 buniyadi sawaal uthaye gaye hain aur unki vyakhya di gayi hai. Iss kitaab ko padhne par aapke paas ek spasht chhavi hogi ki apne samay ka hum kis prakar upayog ya upabhog karte hai. Yahan diye gaye sawaalon par vishleshan karne par hum yah jaan lenge ki darasal hum kahan samay gawa dete hai. Yah kitaab aapko samay ka sadupayog karne mein protsaahit karegi aur uske tareekon ka bhi ullekh karegi. Isme diye gaye 30 siddhant vyavasthit roop se samay ke behetareen istemaal ki paddhati ka varnana dete hai. Yah samay prabandhan ke tareekon se lekar samay ke bachat ki aasan tareekon ke bare mein baat karti hai. Isme Parkinson aur Pareto jaise prasiddh vyaktivo ke siddhanto ka sahara bhi liya gaya hai. Inme kayi formulae ka ullekh bhi kiye gaye hai jiske madhyam se aap ganiteey roop se samay ka satheek nirmaan kar sakte hai. Lekhak praathmikta tay karne par gaur karte hai. Apne karyapranali ka nirmaan kaam ke mahatvapoornta ke hisaab se karein. Yah kitaab na keval aapko samay ki bachat karwati hai balki jivika ki shaili bhi deti hai jisse aapka poorn roop se vyaktigat vikaas ho sakta hai. Inn siddhanto ke sahare lekhak samay ki maryaada karna seekhatein hai aur safalta prapt karne ke tareeko ka ullekh karte hai. Hume gyaat hota hai ki kis prakar Time Management safalta ka mool hai.