Sönn frásögn af skúrki, eiturlyfjasala og neytanda, glæpamanni sem snéri við blaðinu og notar núna reynslu sína úr undirheimum Montreal til að helga líf sitt hjálparstarfi og mannúðarmálum. Maðurinn sem veit allt um neikvæð áhrif styrjalda og átaka.

Marc Vachon er fæddur í Montreal árið 1963. Hann var yfirgefinn af móður sinni sem ungabarn. Munaðarleysingi sem þekkti aldrei foreldra sína. Ólst upp við slæm kjör í Montreal, götustrákur og glæpamaður. Eins og tekið upp úr sögu eftir Charles Dickens.

Fyrir tilviljun kynntist hann starfsemi Lækna án landamæra og snéri við blaðinu. Marc komst að því að hann hafði góða skipulagshæfileika og einstaka reynslu frá undirheimum Montreal til að hjálpa lítilmagnanum og veita neyðarhjálp. Reynsla sem gaf honum óbeit á óréttlæti og yfirgangi.

Reynsla sem hann er tilbúinn til að nota ef það er eina leiðin til að hjálp og hjálpargögn nái fram til nauðstaddra. Sjálfsbjargarhvöt götustráksins gerir honum kleift að reisa flóttamannabúðir á mettíma og leysa vandamál sem öðrum virðast óleysanleg. Hjá Marc helgar tilgangurinn meðalið.

Grípandi bók um Marc Vachon, manninn sem gerðist verkefnastjóri hjá Læknum án landamæra en hefði allt eins getað eitt ævinni í fangelsi fyrir ofbeldi og eiturlyfjasölu. Hann hefur unnið við hjálparstörf síðastliðin 17 ár og starfar um þessar mundir í Afríku við að reisa barnaskóla fyrir UNICEF.