Chowkidaar: The Lost Soul

Audible pesh karta hai Chowkidaar - The Lost Soul, ek Audible Original prastuti jise TMV Studios ne produce kiya hai. Chowkidaar ek aise aadmi ki kahani hai, jise ek purane aur khali pade mental hospital mein security guard ki naukri mili thi, par wo koi mamuli pagalkhaana nahi tha, afwah thi ki wahan ek sarkate bhoot ka vaas tha.

Rahul, ek chote se gaun ka ladka tha. Uske parivaar ki zimmedari uspar thi, lekin Rahul ke liye ek acchi naukri dhund paana bahut mushkil ho raha tha. Aakhirkaar use ek Mental Hospital mein raat ke chowkidaar ki naukri mil gayi. Wo mental hospital kayi saalo se band tha aur uss mental hospital ke baare mein kayi aisi kahaaniyan aur afwahe thi jiski wajah se sab use haunted kehne lage they. Yahan tak ki Rahul ke gaon ke bade-budhon ne bhi use bataya tha ki aajtak us mental hospital me koi ek raat bhi nahi bita paaya hai. Par Rahul ko vishwaas tha ki bhoot-pret aur aatmayein jaisi koi chiz nai hoti, isiliye sabhi baaton ko ansuna kar vo raat ke chowkidaar ki naukri le leta hai. Lekin mental hospital pahunchne par uske saath jo ghatnaye hoti hain wo uske vishwas ko hila kar rakh deti hain.

Kya us hospital ke baare mein boli jaane wali saari kahaaniyan sach hai? Kya Rahul us hospital mein ek bhi raat guzaar paayega?

Disclaimer:
The show is for adult listeners and contains expletives, strong language, and mature content including intimate scenes that support the storyline. This show is entirely fictitious and any resemblance to real persons (dead or alive), places and/or events is purely co-incidental. This show is not intended to outrage, insult, defame, or wound or hurt any religion or the religious sentiments, belief, or feelings of any person, entity, class, or community, and does not encourage or propagate any superstitious beliefs, black magic, occult and/or witchcraft. Listener’s discretion is advised.