Les Fartures cover art

Les Fartures

Les Fartures

Written by: Les Fartures
Listen for free

LIMITED TIME OFFER | Get 2 Months for ₹5/month

About this listen

 Les Fartures ñaz como blogue gastronómicu en 2007, un sitiu onde David Castañón percuerre los restoranes asturianos y fala d’ellos, siempres dende una perspeutiva cercana y positiva (en Les Fartures namás aconseyamos restoranes onde dir, non los sitios onde nun dir). A los 10 años, esti trabayu s’axuntó nuna guía gastronómica colos meyores restoranes, n’asturianu y en castellán, que foi un ésitu de ventes, y tamién el puxu definitivu pa Les Fartures. Dende entós, Les Fartures, amás d’aconseyar restoranes, medró nun sitiu onde asoleyar productos asturianos y lluchar pola so presencia na sociedá asturiana. Ya empezó a facer Les Farturrutes, rutes curties, la mayor parte pa tolos públicos, qu’acaben nun chigre, munchos dellos abondo desconocíos pa la mayor parte de la población asturiana y que nel próximu mes va salir a la venta nun nuevu llibru con una esbilla d’elles. Les Fartures (lesfartures.com) tien más de 30000 siguidores nes sos redes sociales. Esta filosofía, de dar a conocer nuevos sitios onde comer n’Asturies, y, a la vegada, aquellos que lleven munchos años pero, irónicamente, siguen siendo desconocíos n’Asturies, ye la que queremos llevar al programa de radiu “Les Fartures”. Un proyeutu onde l’Asturies más tradicional y la más cimera convivan n’andecha para dignificar la gastronomía asturiana. Onde miremos más allá de la fabada ya’l cachopu, y amosemos la bayura gastronómica de los productos d’Asturies, dende’l mar a la montaña, dende oriente, hasta la fastera occidental.© 2026 Les Fartures Art Cooking Food & Wine
Episodes
  • 3 Guisanderes Falando de Cocina: Luci de La Tabernilla de Oviedo, Mirta de El Torneiro y Mariali de El Verano

    3 Guisanderes Falando de Cocina: Luci de La Tabernilla de Oviedo, Mirta de El Torneiro y Mariali de El Verano
    Apr 12 2026
    Güei vamos falar con 3 muyeres enllenes de talentu y remangu, con Luci de La Tabernilla de Oviedo, con Mirta de El Torneiro, y con Mariali, de El Verano. Centru, Occidente y Oriente nun mesmu programa, 3 guisanderes, amás de les más moces, que vienen con una nueva visión sobre la gastronomía. Vamos falar de guisar, de la muyer na gastronomía y va cuntanos dalguna sorpresina que tienen ente manes.
    Show More Show Less
    55 mins
  • Arraigo - Los Vicentos

    Arraigo - Los Vicentos
    Apr 12 2026
    Comenzamos el programa falando con Ángel, del restaurante Arraigo, na Posada de Llanera. Un restaurante onde se guisa, onde nun hai atayos, onde los callos y les cebolles rellenes son d'otru mundiu, y onde la güerta propia (y dientro poco, dalgo de ganadería) tien muncha importancia. Acabamos el programa con Los Vicentos, dende Cabrales, un grupu musical que naz al rodiu la gastronomía. Muncha folixa, pero tamién muncha fartura.
    Show More Show Less
    55 mins
  • 40 Aniversariu de Casa Pedro - Rutas con Historia por Asturias de Arantza Margolles

    40 Aniversariu de Casa Pedro - Rutas con Historia por Asturias de Arantza Margolles
    Apr 5 2026
    Comenzamos el programa falando celebrando'l 40 Aniversariu de Casa Pedro, el gran restaurante asitiáu en San Xuán de Parres. Vamos cuntar cola presencia de Cristian y Aroa, y tamién de Yolanda, so ma, que xunto con Pedro, entamó esta guapa historia. Acabamos el programa falando del nuevu llibru d'Arantza Margolles, "Rutas con historia por Asturias", onde axunta rutes coles sos histories, munches d'elles desconocíes, detrás.
    Show More Show Less
    1 hr
No reviews yet