Sepa elsendo de Panama Radio, publikigita la 4a de novembro de 2023. La ĉefa temo pri Panamo, nacie kaj internacie, daŭre estas la popolaj protestoj kontraŭ minado. Aferoj en Panamo, kaj socie kaj politike, vere konvulsias, kaj malboniĝis dum la lasta semajno. (Se vi ankoraŭ ne aŭskultis niajn du pasintajn elsendojn, bonvole faru tion: vi ne bone komprenos la aferon sen tiu kunteksto.)

Ligiloj:

• Podkasto de Priscilla Gomez [prisila gomes]
• Muziko de Victorio Vergara [viktorjo vergara]

Foto: Paola Ying

Sesa elsendo de Panama Radio, publikigita la 30a de oktobro de 2023. Ekster ordinara elsendo pri ekster ordinaraj eventoj okazantaj en Panamo. La lastaj 10 tagoj en Panamo estis vere eventoplenaj. La manifestacioj kontraŭ la mina kontrakto, kiun ni jam diskutis en nia pasinta elsendo, daŭras kaj necesis reago de la prezidento de Panamo. Tio estos nia ununura temo hodiaŭ.

Kvina elsendo de Panama Radio, publikigita la 27a de oktobro de 2023. Panama Radio revenas post 13-jara paŭzeto kaj denove elsendas en Esperanto. Roberto sin prezentas denove kaj resumas la historion de siaj du elsendoj pri Panamo, kaj klarigas la karakteron de la nova kaj estontaj elsendoj. Aktualaĵon: 1) Panamanoj protestas kontraŭ la aprobo de mineja kontrakto, suspektante, ke kanada kompanio subaĉetis ties aprobon de la prezidento kaj la parlamentanoj, kaj timante ke tiu kompanio detruos parton de nia ĝangalo serĉante kupron. 2) Mirakle, panama eks-prezidento ŝajne iros al malliberejo pro mon-lavado. Finfine! Almenaŭ unu estos punita!

Ligilo:

• ⁠Muziko de Yin Carrizo⁠ [ĝin kariso]

Kvara elsendo de Panama Radio, publikigita la 21a de Novembro de 2010.

Ricardo Miro (prononcu Rikardo Miro') estas la ĉefa poeto de Panamo. "Patrio", verkita en Barcelono, estas lia ĉefa poemo. Tradukis el la hispana Roberto Perez-Franco en 2005.

Tria elsendo de Panama Radio, publikigita la 24a de Oktobro de 2010.

Dua elsendo de Panama Radio, publikigita la 17a de Oktobro de 2010.

Unua elsendo de Panama Radio, publikigita la 10a de Oktobro de 2010.