Showing results for "marathi" in Traditional Detectives

निरपराधीत्व सिद्ध करणं हे अग्निपरीक्षेहून कठीण ...... अपराध्यांना शिक्षा व्हावी , असा आशावाद बाळगणारे फार थोडे वकील पाहायला मिळतात, या उलट आपला अशील वाचावा , मग तो अपराधी असो वा नसो , एकमेकांवर तुटून पडताना दिसतात, तेव्हा शरमेने मान खाली जाते, डोळ्यासमोर काळोख पसरतो...... तेव्हा एकच आशेचा किरण उरलेला दिसतो...... तो म्हणजे अमर विश्वास..... फक्त अमर विश्वास ! ऐका ! कोर्टरूम मधलं थरार नाट्य ...... सुहास शिरवळकर लिखित कादंबरी - "अज्ञात " कृणाल आळवे , यांच्या आवाजात..

सुहास शिरवळकर यांनी लिहिलेल्या सर्वोत्तम क्राईम थ्रिलर्सपैकी एक कादंबरी म्हणजे - "चॅलेंज"! एक अतिशय मनोरंजक आणि पूर्णपणे वेधक कथन, ज्यामध्ये निळ्या डोळ्यांचा , सुशिंचा लाडका मानस पुत्र,बॅरिस्टर अमर विश्वास - स्वतःच जगदीश सेठींच्या खुनाच्या आरोपाखाली आरोपीच्या पिंजऱ्यात उभे राहतो ! आणि तिथूनच सुरु होतो खऱ्या खुन्याला शोधायचा एक रंजक प्रवास !वेस्टर्न रेल्वेच्या प्रवासात घडलेल्या सेठींच्या खुनात खरा हात कुणाचा होता ? तो एकटाच होता की त्याचे लागेबांधे आणखी कोणाशी होते ? या खुनामागचे नेमके कारण काय ?

पंचवीस वर्षानंतर पहिल्यांदाच अमिनाच्या क्रूर डोळ्यांमधून अश्रू वाहत होते . ते अश्रू पुसायला तिचं असं कोणीच नव्हतं. कोण होती हि अमीना ? तिचं आणि "द डायमेंशनचं " काय कनेक्शन होतं ?गुन्हा कबुल!..... कबुल!.....कबुल!.....असं वेड्यासारखा साक्षीदाराच्या पिंजऱ्यामध्ये नाचत ओरडणारा कोण होता हा प्रेमचंद सुराणा ? त्याने त्याच्या बायकोचा खून का करवला ? आणि कोणाकडून ?दिवसा कायद्याचा पुरस्कर्ता आणि रात्रि बदमाश म्हणून वावरणाऱ्या अमर विश्वासाने मोहिनी सन्मित्रवर येऊ घातलेल्या खुनाचा आरोप कसा खोडून काढला ?

धीरज शांतीदास २५ लाखांसाठी शेठ जमनादासला ट्रॅप करायचा प्रयत्न करतो पण तसे करताना तोच शेठच्या खुनाबद्दल पकडला जातो. सर्व पुरावे धीरज च्या विरोधात असतात पण त्याच्या निर्दोषपणा बद्दल एक वकिलाला खात्री असते. तो वकील म्हणजे ‘बॅरिस्टर अमर विश्वास!’ हि गुंतागुंत अमर कसा सोडवतो ? खरा खुनी धीरज कि अजून कोण ? आणि सर्वात महत्त्वाचे म्हणजे - हा खून का केला ?

सुहास शिरवळकरांच्या कादंबरीतील एक लाडका मानसपुत्र म्हणजे "फिरोज इराणी".जो अतरंगी आहे , हुशार आहे . गुन्हेगारांचा पण बाप आहे . "उस्ताद" या कथेतील निरनिराळी पात्रं फिरोजच्या अवतीभवती पिंगा घालतात . या कथेच्या प्रारंभीच फिरोजला त्याने न केलेल्या बँक दरोड्यात त्याला फसवण्यात येतं. या दरोड्याचा शोध घेताना होते एक खुनांची मालिका ज्यामध्ये फिरोझ अजून अडकत जातो. या असंख्य खुणांच्या मागे मास्टरमाईंड कोणाचं आहे ? नक्की मेजर सूर्यकांत अस्तित्वात होता कि तो आभास होता ?

बॅ.दीक्षित दोन्ही हातानं टकलावर फटाफट खारका मारीत होते आणि मनातल्या मनात अमरला शिव्या घालत होते. सुहास शिरवळकरांच्या कोर्टरूम पुस्तकांपैकी आणखीन एक पुस्तक म्हणजे "कोल्ड ब्लड ".....जे अमर विश्वास सारख्या वकिलाचाही कस लावायला मागेपुढे बघत नाही .सुशिंचा लाडका मानसपुत्र ......अमर विश्वास ! जो सुंदर राजनच्या खुनात किरण विश्रामला आरोपीच्या पिंजऱ्यात उभे केले असतानाहि तो खून त्याने केलाच नाही हे सिद्ध करतो, पण कसे ? कशाच्या आधारावर ?

रझा फरिहादच्या टोळीला फाशीच्या तख्त पर्यंत नेऊन सोडण्याचा भक्कम पुरावा इन्स्पेक्टर प्रमोदच्या हाताशी येतो , तो मिळवण्याच्या नादात इन्स्पेक्टर प्रमोदचा खून होतो आणि सुरु होते निरनिराळ्या घटनांची मालिका...... मंदार , डॅनी आणि इन्स्पेक्टर दिनेश सायगल, रझा फरिहाद आणि त्याच्या टोळीचा खात्मा कसे करतात ? याचे थरारक चित्रण ......

सुहास शिरवळकरांच्या भन्नाट शैलीतून उतरलेली आणखीण एक रहस्यकथा " ....... स्टार हंटर्स " ज्यात रहस्य आहे, झालेल्या खुनाची गुंतागुंत आहे, कोर्ट सीन्स आहेत आणि अमर विश्वास सारखा एक चाणाक्ष वकील आहे . स्टार हंटिंगच्या निमित्ताने सौंदर्य स्पर्धांना सुरुवात झाली खरी ,पण त्या निमित्ताने एका वासनाकांडाची सुरुवात होते ! आणि त्यामधून एका खुनाच्या सत्राची सुरुवात होते !

गरुडाचार्य उर्फ सली सलढाणाच्या खुनाच्या आरोपाखाली ताराला अटक करण्यात येतं..... अमर विश्वास........एक अवलिया ! वेगवेगळे पैलू मांडत शेवटी एका वेगळ्याच क्लूनं आपल्या अशिलाची फासात अडकलेली मान सोडवतो......... या प्लॅन मागचं डोकं कोणाचं होतं ? उत्कंठा वाढवणारी एक अनोखी कादंबरी ....... थ्रिलर आणि सस्पेन्सने परिपूर्ण अशी ....... सुहास शिरवळकर लिखित कादंबरी " मर्डर हाऊस " कृणाल आळवे यांच्या आवाजात.

कामगार नेता चंद्रमोहन माथुर चा खून होतो , प्राण सोडतांना चंद्रा गोपाळच्या कानात काहीतरी रहस्य सांगतो आणि दोन दिवसांतच गोपाळ गायब होतो . ते रहस्य काय होतं ? गोपाळचं अपहरण होतं कि खून ? मंदार या सर्व गोष्टींचा छडा कसा लावतो ? चंद्राच्या खुन्याला कसा शोधून काढतो ? <

सनी खंबाटाचा खून होतो आणि खुनाच्या आरोपात गोवली जाते रुना..... के के उर्फ कुंदन कटारिया ची बायको ! रुना जवळ जवळ फाशीच्या तख्तापर्यंत पोहोचलीच होती , पण अमर विश्वास ! सुशिंचा लाडका मानसपुत्र, जो एकमेव व्यक्ती आहे रुनाला फाशीपासून जो वाचवू शकतो . खरा खुनी कोण ? के के, रुना कि आणखी ........... ? ऐका , सुहास शिरवळकर लिखित कादंबरी "सराईत" कृणाल आळवे यांच्या आवाजात

द नाईट मेयर ! रातों का राजा हे नाव बदमाशांच्या वर्तुळात धडकी भरवायला पुरेसे होते. पण तो कोण हे मात्र कोणालाच माहिती नव्हते . रिपोर्टर श्रीनिवासचा खून होतो आणि त्यात गोवला जातो , उद्योगपती श्री लक्ष्मी नारायण मिश्रा ! तेही खुनाच्या आरोपाखाली . खटल्याचा निकाल लागल्यात जमा होता. पण अमर विश्वास गप्प बसणाऱ्यातला थोडीच आहे ! आणि मग सुरु होतो खऱ्या खुन्याच्या शोध .

आयुष्यात पहिल्यांदाच अमरला केस सॉल्व्ह केल्याचं दुःख होत होतं ! बॅरिस्टर अमर विश्वास , मुंबई-पुणे महामार्गावर प्रवास करताना फायनान्सर श्रियाळांचा अपघात होतो , पण केलेल्या निरीक्षणांवरून हा अपघात नाही तर खून आहे, असं अमरचं ठाम मत आहे. या खुनाचा गुंता अमर कसा सोडवणार ? खरा खुनी कोण ? सर्वात महत्त्वाचे म्हणजे - हा खून का केला ?

चित्रपटसृष्टी म्हणजे मायावी नगरी.... वैयक्तिक सुख दुःख बाजूला ठेवून इथं वावरायला लागतं. चेहऱ्यावर रंग लावून जगावं लागतं. त्याच्या आड काही वेळा एखादा हिंस्र पशु दडून बसलेला असतो. तो उठून याच मंडळींच्या मागे लागला तर......या खेळात अडकलेल्या उदयोन्मुख अभिनेत्रीची हि कथा.... सु.शी.चा लाडका हिरो , अमर विश्वासाची कोर्ट रूम कादंबरी ..... "ऑर्डर ऑर्डर" कृणाल अळवे यांच्या आवाजात.

सुहास शिरवळकरांची आणखीन एक रंगतदार फिरोज कथा............चारमिनारचा लास्ट कश मारून त्याने थोटूक खाली टाकलं, त्याच्या मजबूत बुटाच्या तळव्याखाली थोटूक पार चुरगाळलं गेलं. दमदार पावलं टाकत तो पायरीजवळ येऊन थांबला. आणि त्याने एकदा मान वर करून रोमन लेटरिंग्जवर नजर टाकली - 'कॅसिनो पॅरिस.' "शॅली-शॅली", सुहास शिरवळकर लिखित - मराठी कादंबरी , "कृणाल आळवे " यांच्या आवाजात.

सहा फूट उंचीचा, सडपातळ शरीराचा , गोरापान , चेहऱ्यावरून एखाद्या नाटकातील हिरोसारखा, भावनाप्रधान दिसणारा ! एकदम साधा वाटायचं. पण प्रतिस्पर्ध्याचा अंदाज नेहमी इथेच चुकायचा. अन चूक उलगडायची जेव्हा मंदारची मगरमिठी त्याच्या भोवती असायची.मंदार पटवर्धन ! सुहास शिरवळकरांचा आणखीन एक लाडका मानसपुत्र ! तो गुप्तहेर आहे हुशार आहे अन तितकाच तल्लख बुद्धीचाहि . डॉ.बंकिम एका टॅब्लेट फॉर्म्युल्याचा शोध लावतात, तो फॉर्मुला विकत घेण्यासाठी चीनची तयारी असते, पण हा फॉर्मुला मिळवण्याची कोणा दुसऱ्याचीच धडपड सुरु असते आणि तिथेच डॉ.

एका बाबतीत सर्वांचं मत एक होतं.प्रॉसिक्युशननं कितीही जंग जंग पछाडलं तरी इलेव्हन्थ अवरला अमर अशी काहीतरी मेख मारणार कि केसचा पार रंगच पालटणार !आणि आपण केस जिंकतोय असं दीक्षितांना वाटत असतानाच अमर यश घेऊन जाणार....... काजल सेठचा खून होतो आणि त्यात अडकली जाते छाया मेहरा ! मग बिशाद कोणाची ? अमर विश्वास ,आपला हुकमी एक्का वापरून तिची या खटल्यातून कशी मुक्तता करतो ? कोणते डावपेच लढवतो ?

मेजर पंजवानीचा खून कोण करते ? या खुनामागे खून्याचे काही कटकारस्थान तर नाही ना ? मिसेस लोलिताला टार्गेट करण्यात आले आहे का ? चाणाक्ष अमर विश्वास खुन्याचा शोध कसा घेतो ? या असंख्य प्रश्नांची उत्तरे घऊन आहे .......सुहास शिरवळकर लिखित कादंबरी - "नॉट गिल्टी " कृणाल आळवे , यांच्या आवाजात........

युरेनियम -२३५. जगातला एकमेव दुर्मिळ धातू ! युरेनियम -२३५ चा लॉट विकला जातो ! तीन चार दिवसांनी प्रेत सापडतं . सुहास शिरवळकरांच्या लेखणीतून अवतरलेली भन्नाट मंदार कथा ...... 'हाय ओल्ड फ्रेंड्स' ऐका , कृणाल आळवे यांच्या आवाजात !

प्रायरी स्कूल ही इंग्लडमधील अतिशय प्रख्यात शाळा आहे. मोठमोठ्या उमरावांनी या शाळेत आपल्या मुलांना घातले आहे. या शाळेची ख्याती ऐकून ड्यूक ऑफ होल्डरनेस यांनी आपल्या दहा वर्षाच्या एकुलत्या एक मुलाला आणि त्यांच्या संपत्तीच्या वारसाला लॉर्ड साल्टायरला या शाळेत घातले आहे. अडीच लाख एकरांचा धनी आणि अनेक उद्योगांत भागीदारी असणा-या या मुलाला प्रायरी शाळेतून पळवून नेलं जातं किंवा तो स्वतःच या शाळेतून पळून जातो. काय आहे या शाळेचे रहस्य ? शेरलॉक होम्स ते कसं ओळखतो ?