Showing results by narrator "Amogh" in All Categories

जीन्स आणि बोजेट, च्युइंगम आणि इंटेल, कोडॅक ते कोकाकोला, अ‍ॅमेझॉन आणि ओरॅकल, मॅकडॉनाल्ड आणि सोनी, डिस्ने आणि वॉर्नर ब्रदर्स, गूगल आणि नोकिया अशा अनेक औद्योगिक साम्राज्यांच्या निर्मात्यांच्या कहाण्या जितक्या सुरस, तितक्याच चक्रावणा-या; जितक्या चटकदार, तितक्याच प्रेरणादायी. फिनिक्स पक्ष्यासारख्या राखेतून भरारी घेणा-या यशोगाथा- अविश्वसनीय, तितक्याच थरारक! या यशोगाथांच्या मागे नेमकं काय असतं? हे रंजक आणि ओघवत्या पद्धतीनं समजावणारं 'बोर्डरुम' हे अच्युत गोडबोले आणि अतुल कहातेलिखित पुस्तक ऐका, अमोघ चंदन यांच्यासह.

कन्हैय्यालाल परदेशी, शिवलाल परदेशी आणि अमर परदेशी या तीन पिढ्यांनी पानाच्या व्यवसायात बस्तान बसवलं आहे. 1961 सालापासून संपूर्ण पुण्याला पानं पुरवण्याचा व्यवसाय करता करता ते अनेक पानपट्ट्यांचे मालक झाले आहेत. त्यांची ही कहाणी.

एखादा चांगला चित्रपट पाहिल्यावर, भट्टी चांगली जमलीय…अशी आपण आपसूक दाद देतो. पण त्यामागे अनेक गोष्टी असतात, पडद्यामागच्या शेकडो गोष्टींचं व्यवस्थापन करणारी व्यक्ती म्हणूनच महत्वाची असते. ऐकुया अशाच एका सूत्रधाराबद्दल…

उद्योजक तर व्हायचं आहे, पण नोकरी सोडण्याचं धाडस होत नाही, अशी अनेकांची अवस्था असते. राजेश मंडलिक यांचीही तशीच होती. पण मंडलिक यांनी जोखीम पत्करण्यासाठी खूप वेळ घेतला नाही. स्वत:च्या गुणवत्तेवर आणि कष्ट करण्याच्या तयारीवर विश्वास ठेवला. ऐकुया त्यांची यशोगाथा.

यश मिळवण्यापेक्षा यश टिकवणं कठीण असतं म्हणतात. प्रचंड नुकसानीचा सामना करावा लागणाऱ्या उद्योजकांना असा अनुभव घ्यावा लागतो. अशा अनुभवांमुळे खचून न जाता जे पुन्हा स्वत: ला सिद्ध करतात, तेच उद्योजक काळाच्या कसोटीवर टिकतात.

घर असावे घरासारखे, नकोत नुसत्या भिंती…हे गाणं सुपरिचित आहेच. घरातलं वातावरण कसं असावं याचं भावस्पर्शी वर्णन त्यात आहे. रावेतकर हाऊसिंगचे गृहप्रकल्प बघितले तर या ओळीची प्रचिती येते. ऐकुया रावेतकर हाऊसिंगच्या यशस्वी वाटचालीबद्दल.

सोसायटीशी संबंधित कामांमध्ये बागकाम हे महत्वाचं ठरतं. एकूण सोसायटी किंवा बंगले यांचं आवार हे नीटनेटकं आणि उत्तम देखभाल केलेलं असेल तर त्याचा प्रभाव चांगला पडतो. अशाच बागकामाचा व्यवसाय करणाऱ्या, अवघ्या 27 वर्षांच्या शुभम काळदातेची ही गोष्ट.

चालू वर्ष हे महामानव डॉ. बाबासाहेब आंबेडकर यांच्या एकशे पंचविसाव्या जयंतीचं आहे. डॉ. आंबेडकरांनी दलित समाजाला मोकळा श्वास घेण्याची संधी दिली, नवं आकाश दाखवलं. त्या समाजाचा आवाज बुलंद केला. प्रत्येकानं शिक्षण घेतलंच पाहिजे असा आग्रह धरला. त्यातूनच कर्तबगारीची नवनवी शिखरं दलित बांधवांनी काबीज केली.

ज्येष्ठ नागरिकांसाठी- निवृत्तीनंतर काय करायचं, हा एक मोठा प्रश्न असतो. तसंच त्यांच्या आरोग्याच्या दृष्टीनेही काही गरजा बदलतात. अनेकांची मुलं देशा-परदेशात विविध ठिकाणी राहतात, सगळीकडेच ज्येष्ठांना सोबत रहायला नेता येतंच असं नाही. अशावेळी ज्येष्ठांच्या सर्व गरजा लक्षात घेऊन साकारला गेला - 'अथश्री' हा ज्येष्ठांसाठीच्या घरांचा प्रकल्प. जाणून घेऊया 'अथश्री'बद्दल

डी-मार्टसारखी स्वस्तात गृहोपयोगी वस्तू, किराणा पुरवणारी सुपरमार्केट्स आज धो-धो चालत आहेत, पण ही संकल्पना भारतात आणून, यशस्वीरित्या कोणी चालवली माहिती आहे? चला, जाणून घेऊ.