Seema ke maa baap guzar chuke the aur uska sautela bhai usse bohut bura vyvhaar karta tha. Sautele bhai ka dost Anwar Seema ko pasand karne laga tha aur dheere dheere dono ek dusre se bohot gehra pyaar karne lage. Magar iss baat ki khabar jab sautele bhai ko hui toh usne Anwar ka jeena haram kar diya. Anwar ne tay kiya ki vo dilli jakar naukri karega aur fir Seema ko apna lega. Ussi dauraan desh mein hindu muslim jhagde ho rahe the. Phir ek baar Anwar ne bhai se Seema ka hath manga aur usne uske saath bohot bura kiya. Anwar ne zeher kha liya. Yeh pata chalne ke baad jab Seema usse milne gayi toh bhai ne hamesha ke liye nata toda aur sampatti bhi hathiya li. idhar Anwar ke ghar vaalon ne bhi usse jor jabardasti hamesha ke liye Seema se dur kar diya aur vo unke aage tik na saka. Usne Seema ko bhul jaane ki salaah de daali aur khud apne parivaar ke saath kahin chala gaya. Vo ab kahan hai is ki khabar Seema ko nahin thi. Seema ne aaj tak shaadi nahin ki thi kyonki vo ab bhi anwar ko chahti thi.
©2021 Delhi Press Patra Prakashan (P)2021 Delhi Press Patra Prakashan
