Yadi aap jivan me atma-kranti chahte hai to apani sari bhulo ka, apni samasyao ka uttardayitva lo. Dusro par dosh madhne se kuch hasil na hoga. Manovigyan aur dharm me yahi phark hai. Manovigyan apani manasikta ke liye dusre ko doshi manta hai, aur dharm svayam ko. Pashchim ahamkar ko majbut karta hai aur purab ahankar ko mitata hai. Yadi tum jimmedar ho to hi vikas ki sambhavna banti hai.

Jivan ke satya kahi door akash me nahi chipe hai. Ve yahi likhe pade hai charo taraf. Patte-patte par aur kan-kan par ved likhe hai, bas dekhnevali ankh chahiye. Anubhav ke phul ikaththe karake mat rakhna, unka itra nikalna, tabhi satya milega.

Kathinayi chaahe prem ke panth ki ho ya dhyaan ke maarg ki, pandhrah pravachanon ki is prashnottar pravachanmala mein Osho ne sabhi prashnon ke atyant saral aur subodh samaadhan diye hain. Shero-shaayari aur kavitaon se bharpoor ye pravachan panth ki saari kathinaayi ko door kar ek nayi subah ki tarah hamein abhibhoot kar lete hain. Osho kehte hain: 'Main to dekhta hoon ek naya suraj, ek nayi subah, ek naya manushyaa, ek nayi prithvi - vah roj nikharti aa rahi hai.

Is pravachan me Osho hamare sthapit mulya par chot karate hai. Ham adarsh ko mahan maante hai lekin Osho ke anusar adarsh thothe hai kyoki ve udhar hai. Adarsh bahar se thope jaate hai, bhitar ki samajh se nahi nikalte. Adarsh ka arth hai ham jaise nahi hai vaise banne ki koshish karana. Yadi jivan ko janna hai to apne antas ko khilne de. Samanya ko mahatva de, vishisht hone ki koshish na kare.

The Sutra of 42 Chapters is a scripture complied in the first century CE. Each saying comes from Buddha, but the whole work was a new anthology created especially for introducing Buddhism in a new country. That’s why it makes such a good, basic introduction to the world view of Gautam Buddha.

Shreshth vahi hai jo jhuk sakta hai. Is pravachan me Osho ek bahut gahri baat kah rahe hain jo mahtvakanksha ki daud ke viprit hai. Sagar itana virat hai kyoki vah sabse niche hai isaliye har jharna usi me akar girta hai. Purab ne bahut bahut tarah se jhukne ka aur sab kuch pane ka raaj jaan liya hai. Jinhe hinta ki granthi hai ve hi daudte hai.

Prem ke pahaluo ko ujagar karnevala adbhut pravachan. Osho kahte hai ki prem me jab tak vyakti apna ahankar khota nahi hai tab tak prem nahi ho sakta. Prem hriday me ghatata hai aur hriday ke liye jhukna bahut asan hai. Prem mitne ki kala sikhata hai aur jine ki bhi.

Yah ek prashnottari hai jisme Osho sadhako ke prashno ke uttar dete hain. Prashna vyaktigat jeevan ke sambamdh me hain. Inke uttar me Osho apana najariya rakhate hain ki jeevan ko ek utsav ki tarah jiyo, bojh ki tarah nahi. Anand dhyaniyo ki jati honi chahiye, hanste khelte jeeyo. Anand hai atma- anubhav, utsav hai us anubhav ke liye astitva ko dhanyavad. Jo dhyan ki aankh kholenge unake liye poora jeevan utsavmaya hoga.

Dharm, Sannyaas, Dhyaan ke rahsyon ka udghatan aur andh-shraddha par kutharaghaat Osho ki is pravachanmala ke pramukh swar hain. Bhaarat ki samaajik evam dhaarmik moodhtaon ne kis prakaar is desh ko dhyaan ki khumaari, prem ki khumaari se vanchit rakha hai yah Osho ne apni vaani dwara spasht kiya hai.

Dhammapad par Osho ke pravachanon ka yah viraat sahitya 2500 varsh ke antaraal ke baad Buddha ki vaani ko samajhne mein atyant upyogi hai. Dhammapada ke sutra vastutah hamein jagane ke sutra hain. In sutron ko samajh kar Osho ne hamari chetna ko jagrat karne ki aisi jeevant prakriya ka raseela niroopan kiya hai jo vyakti ka aamool roopantaran kar de.

Charitra ki badi sundar mimansa hai is pravachan me. Aam taur par ham charitra use kahte hai jo bahar se aropit hai. Aisa charitra kitna hi majabut dikhai pade, kisi bhi kshan toot sakta hai. Asli charitra bhitar nirmit hota hai aur bahar phailta hai; jiski jaden svabhav me chipi hai.

Prem ke vibhinna pahaluo ko samajhne ke liye yah anupam pravachan hai. Osho kahte hain ki prem badi adbhut ghatna hai.Yah sadharan nahi hai, alaukik hai. Is prithvi par svarg ki jo choti si kiran utarti hai uska nam prem hai.

Osho describes unconsciousness as the basement of our minds in which many things are buried, which find expression through your conscious. Like, millions of people watch boxing or football matches and their enjoyment is the expression of hidden violence.

Siddhon ka ek mahaan sandesh, 'Jaago', Osho ki vaani dwara in pravachanon mein aur bhi adhik mukharit hua hai. Osho kehte hain: 'Jaago, man jaagran ki bela! Aur jaagran ki bela hamesha hai. Aisa koi khsan nahi jab tum jaag na sako. Aisa koi pal nahi jab tum palak na khol sako. Aankh band kiye ho yah tumhaara nirnay hai. Aankh kholna chaho to isi khsan kraanti ghat sakti hai.

Kabir par Osho samay-samay par bolte rahe hain. Keh sakte hain ki Kabir unke priy rahe hain. Kabir ke saddhukkadi vachanon ko samsamayik Osho hi bana sakte hain.