Ahankari vyakti pratipal isi hisab me laga rahta hai ki kis tarah se mere ahankar ko jyada sahara milega. Akad kar khada rahu, kisi ke samne na jhuku, chehre ko bilkul patthar ki murti bana lu, isase milega? Ya phir vinamrata se labh milega to vah vinamar hone ko bhi taiyar hai. Is ahankar se bachiye, yah maharog hai.

Dariya sahab ke sutra se aarambh hoti hui yah pravachan mala vividh bhangimaon ke saath Osho ki vaani se rassikt hai. Jaat, paat, dharm, raajneeti mein chipe hue paakhand ka pardafaash karte hue Osho hamein ek anant ki yatra ka sanket dete hain. Ve kehte hain, mera sanyaasi anhad ki talaash mein laga hai, seemaon ka atikraman kar raha hai. Ghar chodna nahi hai, ghar mein rehte hi jaanna hai ki ghar meri seema nahi hai. Parivaar chodna nahi hai.

Yah ek prashnottari hai jisme Osho sadhako ke prashno ke uttar dete hain. Prashna vyaktigat jeevan ke sambamdh me hain. Inke uttar me Osho apana najariya rakhate hain ki jeevan ko ek utsav ki tarah jiyo, bojh ki tarah nahi. Anand dhyaniyo ki jati honi chahiye, hanste khelte jeeyo. Anand hai atma- anubhav, utsav hai us anubhav ke liye astitva ko dhanyavad. Jo dhyan ki aankh kholenge unake liye poora jeevan utsavmaya hoga.

Siddhon ka ek mahaan sandesh, 'Jaago', Osho ki vaani dwara in pravachanon mein aur bhi adhik mukharit hua hai. Osho kehte hain: 'Jaago, man jaagran ki bela! Aur jaagran ki bela hamesha hai. Aisa koi khsan nahi jab tum jaag na sako. Aisa koi pal nahi jab tum palak na khol sako. Aankh band kiye ho yah tumhaara nirnay hai. Aankh kholna chaho to isi khsan kraanti ghat sakti hai.

Yadi aap jivan me atma-kranti chahte hai to apani sari bhulo ka, apni samasyao ka uttardayitva lo. Dusro par dosh madhne se kuch hasil na hoga. Manovigyan aur dharm me yahi phark hai. Manovigyan apani manasikta ke liye dusre ko doshi manta hai, aur dharm svayam ko. Pashchim ahamkar ko majbut karta hai aur purab ahankar ko mitata hai. Yadi tum jimmedar ho to hi vikas ki sambhavna banti hai.

Dhammapad par Osho ke pravachanon ka yah viraat sahitya 2500 varsh ke antaraal ke baad Buddha ki vaani ko samajhne mein atyant upyogi hai. Dhammapada ke sutra vastutah hamein jagane ke sutra hain. In sutron ko samajh kar Osho ne hamari chetna ko jagrat karne ki aisi jeevant prakriya ka raseela niroopan kiya hai jo vyakti ka aamool roopantaran kar de.

Dharm, Sannyaas, Dhyaan ke rahsyon ka udghatan aur andh-shraddha par kutharaghaat Osho ki is pravachanmala ke pramukh swar hain. Bhaarat ki samaajik evam dhaarmik moodhtaon ne kis prakaar is desh ko dhyaan ki khumaari, prem ki khumaari se vanchit rakha hai yah Osho ne apni vaani dwara spasht kiya hai.

Ye Buddha ke sutra hain jinmen Buddha aath angovala marga batate hain: samyak drishti, samyak sankalp, samyak vani, samyak karmant, samyak ajiv, samyak vyayam, samyak smriti, samyak samadhi. Osho ne. bahut gaharai se in aath ango ko samjhaya hai jo sadhak ke liye atyant upayogi hai.

Osho addresses and beautifully explains a common issue - the need for attention - that is taking so many eccentric shapes and forms in today’s global media-mania-dominated world. The need for attention is a human reality, and almost everybody is a beggar for attention. The root cause of why one seeks attention is because one does not know oneself. Attention is nourishment for your personality - which is not your real being but just a fake "persona" created by society. Your real power is in your individuality, which you have to discover.

Ashtavakra aur raja Janak ke beech is adbhut sanvaad ki garima ko Osho ne apni amrit vaani dwara uski poornata mein prakat kiya hai. Ashtavakra-Janak sanvaad evam prashnottar ke maadhyam se Osho dharm, saadhana, tatha chetna ki atal gahrai mein hamein le chalte hain. Is apoorva sanvaad ko mahageeta kehkar Osho ne usme anoothi praan-pratistha ki hai.