داتمه!!!

دیسأم غتی گورمه ای ترکمن اوغلی

دیلینگا اغیارینگ دیلیندن غاتمه!

اؤز دیلینگ اؤرنمان اؤزگه لر دیلی

اگر بل هم بولسه بلیندن داتمه!

سنینگ دیلینگ اؤزلی همدا اصیل دیر

آزیندان آلتی مونگ عمرلی دیل دیر

مونی غیسغانن لار إنگ یاووز ایل دیر

آچلیق دن اولسنگ هم گچمیشینگ ساتمه!

من دن اوصلیب هم دأل دیمانه بارین

چالسه لار چأرأم یوق جانیمینگ تارین

(گوزه آلماین کأن دیل آدلی عارین)

مگر سن قرداشم بؤیتمه بؤیتمه!!!

دیماسین یگ بیلدیم دوشدی یادیمه

دایانا بیلمایین کونگل بادیمه

أنه دیل ناموس دیر بیلن آدامه

سن أصلا اوستیندان آدیملاب اؤتمه!

من شونی اؤراندیم پشه فیل اولماز

هر تولانیب آقن نهر نیل اولماز

دیلین ساقلامادیق ایلدن ایل اولماز

ایل اوچین انجیسانگ غاشینگی چیتمه!

"مرادی" بیلانینگ دیلی دیر یاری

ایلی بیلن بوتین بولا دیر باری

بونلارسیز برچانینگ گل یوزی ساری

ايل گونسيز هیچ یانه قدمینگ آدمه!!!

--------------------------------------------------------------------------------------------------------------------------

Beni buralarda takip edebilirsiniz...

İnstagram : https://www.instagram.com/hafiz_officiial/

facebook : https://www.facebook.com/hafizofficiial/

twitter : https://twitter.com/h_badmash

Website : https://bad-mash.com/

İletişim & İş Görüşmesi

E-mail : hafizullah_habib@yahoo.com

Videolardan ilk siz haberdar olmak istiyorsanız abone olun:

سنگا بیر شعرلر بولیور:

اصلینده غزلده- غوشغیده سن سینگ!

من سنی یازدیقچه، شاعرلاشیورین؛

گوزللیگینگ گؤرکی- نقشیده سن سینگ

من سنی چیزدیقچه، شاعرلاشیورین؛

دیمه! سن دیوانا، بیرزاتلر بولیور؛

(سنگه بیر شعرلار، بولیور) عزیزیم

سؤزلرینگ سازبولیپ، دیلیمه دولیور-

گیلأنگده، یاز بولیپ بو قره گؤیزیم

آله گؤزلأنگ دؤیپسیز، إلهام بولاغی...

نأدیب دؤرامه سین, سرلئ سطرلار

لیلینینگ- شیرینینگ، چینگلار غولاغی

سنگا باغیشلانسه، دؤرلی سطرلار

دیوان دوزمک ممکن، بیر اوتوریشده

مگر! یاشیرماسنگ، گل جمالینگی

سؤزلرینگ- سؤزیمه، برر سریشته

بیلمادیم؛ بیلیورمینگ؟ اؤز کمالینگی

گؤر؛ ینه دؤیدانسیز، آغزیمی آچدیم

إنتک بولماسه ده، آغیز آچار چاغی

دوغریسی غوشغی دأل! من سنی غوشدیم

یام- یاشیل آچنده، بو یورأک باغی

خیرالله مرادی چلیش

--------------------------------------------------------------------------------------------------------------------------

Beni buralarda takip edebilirsiniz...

İnstagram     : https://www.instagram.com/hafiz_officiial/

facebook      : https://www.facebook.com/hafizofficiial/

twitter           : https://twitter.com/h_badmash

Website        : https://bad-mash.com/

İletişim & İş Görüşmesi

E-mail          : hafizullah_habib@yahoo.com

Videolardan ilk siz haberdar olmak istiyorsanız abone olun:

قره تانگقانینگ چایی:

نه چین ده - نه ماچین ده ، نه دنیا ده بار تایی

اومچانگ اودینه غاینان، قره تانگقانینگ چایی

گون بویی غوش هایداسانگ، یاداولیغینگ ییتیرار

جانینگده إزا غویماز؛ ایچ هأ- ایچدیگینگ سایی

اومچانگ اودینه غاینان، قره تانگقانینگ چایی

غایناین سونگ دملایب، غویسانگ چوغونگ اوستونه

ونیلالی چاکلیدی، آتسانگ دیلینگ آستینه

یایرار بوتین اندامینگ، بلندینه - پستینه

یازده یالئن بیلدیرمز؛ غیشده غارلارینگ غایی

اومچانگ اودینه غاینان، قره تانگقانینگ چایی

کأه یانیندن اوغرینچه، کپبه له سنگ گؤکناری

بیر غئسیمجیق گورینر؛ گوزلرینگه یر شاری

"کرونا" دک ویروسلی، خسته لیق لارا دأری

تاریخ بویی بولیبدیر؛ کوللی تورکمنینگ پایی

اومچانگ اودینه غاینان، قره تانگقانینگ چایی

واخ! نأده یین هر تنتک، بیلمز اونینگ قدرینی

چاروه داکی چوپاندن- چولوقدن سور؛ اجرینی

کافرلرینگ ویسکی سی - ودکا چکسین قهرینی

پوقیردایشی غیزلارینگ، جاقجاقیندن انایی

اومچانگ اودینه غاینان، قره تانگقانینگ چایی

بیزدن اونگ هم اونگکی لر، بخارانی دشمانه

برنمیشلر؛ چای اوچین، سرپای یالی همانا!

من دنیانی بررتیم 😊! إلیم گئلسه جهانه

دییرتی: بابام پاخیر، بوتين درده دوایی

اومچانگ اودینه غاینان، قره تانگقانینگ چایی

گؤک خان: ایندی نیلاسین؛ پپسی، پانتا، گزوزی

یادانده بیر پیاله، ایچسه بیرگون بس؛ اؤزی

تورکمن آغزی بیلرمی؟ چایسیز طعامی- دوزی

دینگه بیرزاد دنیاده، دانلاماز؛ غریب- بایی

اومچانگ اودینه غاینان، قره تانگقانینگ چایی

خيرالله "گؤکخان" چلیش

چهارشنبه ۲۴ قوس ۱۴۰۰

آچیقلامه لار:

۱- ماچین= چین دن باشقه اولکه لری

۲- اومچه= سازاق و اوجار یالی اودونلارینگ یوغین یری

۳- چوغ= کؤزونگ غیزغینی

۴- ونیل، ونیلا= تورشک و کیک یالی ایمیتلرده اوللانیلیون ایسلی و طعاملی بیر اوتدان غورشالیون طعام

۵- غایی= غارسئز و یاغمورسئز غوری سووق

۶- گزوز، غازوز= پپسی و فانتا منگزش گازلی سوو.

۷- دانلاماق= فرق برمک.