Maine Ram Ratan Dhan Payo: Aao prem ki ek jheel mein nauka-vihaar karein. Aur aisi jheel manushya ke itihaas mein doosri nahi hai, aisi jheel Meera hai. Mansarovar bhi utna swacha nahin. Aur hanson ki hi gati ho sakegi Meera ki is jheel mein. Hans bano, to hi utar sakoge is jheel mein. Hans na bane to na utar paooge. Meera ki is jheel mein tumhein nimantran deta hoon. Meera naav ban sakti hai. Meera ke shabd tumhe doobne se bachaa sakte hain. Unke sahare par us paar ja sakte ho.

Kabir par Osho samay-samay par bolte rahe hain. Keh sakte hain ki Kabir unke priy rahe hain. Kabir ke saddhukkadi vachanon ko samsamayik Osho hi bana sakte hain.

Sufism, also called “Islamic Mysticism” is a belief and practice in which Muslims seek to find the truth of divine love and knowledge through direct personal experience of God. Osho has spoken in a number of series on this beautiful tradition - which he compares with other spiritual and religious traditions - elaborating the underlying essence to an international audience. Osho brings the listener in contact with Sufism through his experiential sharing.

Dhammapad par Osho ke pravachanon ka yah viraat sahitya 2500 varsh ke antaraal ke baad Buddha ki vaani ko samajhne mein atyant upyogi hai. Dhammapada ke sutra vastutah hamein jagane ke sutra hain. In sutron ko samajh kar Osho ne hamari chetna ko jagrat karne ki aisi jeevant prakriya ka raseela niroopan kiya hai jo vyakti ka aamool roopantaran kar de.

Dariya sahab ke sutra se aarambh hoti hui yah pravachan mala vividh bhangimaon ke saath Osho ki vaani se rassikt hai. Jaat, paat, dharm, raajneeti mein chipe hue paakhand ka pardafaash karte hue Osho hamein ek anant ki yatra ka sanket dete hain. Ve kehte hain, mera sanyaasi anhad ki talaash mein laga hai, seemaon ka atikraman kar raha hai. Ghar chodna nahi hai, ghar mein rehte hi jaanna hai ki ghar meri seema nahi hai. Parivaar chodna nahi hai.

Kya aap dhyan karna chahte hai? to phir yah pravachan sune. Osho ke sutra saral hai: Ekant dyan ki bhumika hai, avyastata dhyan ka dvar hai, prakriti sannidhya dhyan me atyant sahayogi hai.Vichar shant ho jaye, akash se badaliya chali jayen, akash hi bache jo chetna se alokit ho.

Jivan ke satya kahi door akash me nahi chipe hai. Ve yahi likhe pade hai charo taraf. Patte-patte par aur kan-kan par ved likhe hai, bas dekhnevali ankh chahiye. Anubhav ke phul ikaththe karake mat rakhna, unka itra nikalna, tabhi satya milega.

Shreshth vahi hai jo jhuk sakta hai. Is pravachan me Osho ek bahut gahri baat kah rahe hain jo mahtvakanksha ki daud ke viprit hai. Sagar itana virat hai kyoki vah sabse niche hai isaliye har jharna usi me akar girta hai. Purab ne bahut bahut tarah se jhukne ka aur sab kuch pane ka raaj jaan liya hai. Jinhe hinta ki granthi hai ve hi daudte hai.

Ahankari vyakti pratipal isi hisab me laga rahta hai ki kis tarah se mere ahankar ko jyada sahara milega. Akad kar khada rahu, kisi ke samne na jhuku, chehre ko bilkul patthar ki murti bana lu, isase milega? Ya phir vinamrata se labh milega to vah vinamar hone ko bhi taiyar hai. Is ahankar se bachiye, yah maharog hai.

Kathinayi chaahe prem ke panth ki ho ya dhyaan ke maarg ki, pandhrah pravachanon ki is prashnottar pravachanmala mein Osho ne sabhi prashnon ke atyant saral aur subodh samaadhan diye hain. Shero-shaayari aur kavitaon se bharpoor ye pravachan panth ki saari kathinaayi ko door kar ek nayi subah ki tarah hamein abhibhoot kar lete hain. Osho kehte hain: 'Main to dekhta hoon ek naya suraj, ek nayi subah, ek naya manushyaa, ek nayi prithvi - vah roj nikharti aa rahi hai.