Maine Ram Ratan Dhan Payo: Aao prem ki ek jheel mein nauka-vihaar karein. Aur aisi jheel manushya ke itihaas mein doosri nahi hai, aisi jheel Meera hai. Mansarovar bhi utna swacha nahin. Aur hanson ki hi gati ho sakegi Meera ki is jheel mein. Hans bano, to hi utar sakoge is jheel mein. Hans na bane to na utar paooge. Meera ki is jheel mein tumhein nimantran deta hoon. Meera naav ban sakti hai. Meera ke shabd tumhe doobne se bachaa sakte hain. Unke sahare par us paar ja sakte ho.

Mahaavir guru nahi hain. Mahavir kalyanmitr hain. Ve kehte hain, main kuch kehta hoon, use samajh lo; mere sahare lene ki zaroorat nahi hai. Meri sharan aane se tum mukt na ho jaaoge. Meri sharan aane se to naya bandhan nirmit hoga, kyunki do bane rahenge. Bhakt aur bhagwaan bana rahega. Shishya aur guru bana rahega. Nahi, do ko to mitaana hai.

Dhammapad par Osho ke pravachanon ka yah viraat sahitya 2500 varsh ke antaraal ke baad Buddha ki vaani ko samajhne mein atyant upyogi hai. Dhammapada ke sutra vastutah hamein jagane ke sutra hain. In sutron ko samajh kar Osho ne hamari chetna ko jagrat karne ki aisi jeevant prakriya ka raseela niroopan kiya hai jo vyakti ka aamool roopantaran kar de.

Dariya sahab ke sutra se aarambh hoti hui yah pravachan mala vividh bhangimaon ke saath Osho ki vaani se rassikt hai. Jaat, paat, dharm, raajneeti mein chipe hue paakhand ka pardafaash karte hue Osho hamein ek anant ki yatra ka sanket dete hain. Ve kehte hain, mera sanyaasi anhad ki talaash mein laga hai, seemaon ka atikraman kar raha hai. Ghar chodna nahi hai, ghar mein rehte hi jaanna hai ki ghar meri seema nahi hai. Parivaar chodna nahi hai.

Yah ek prashnottari hai jisme Osho sadhako ke prashno ke uttar dete hain. Prashna vyaktigat jeevan ke sambamdh me hain. Inke uttar me Osho apana najariya rakhate hain ki jeevan ko ek utsav ki tarah jiyo, bojh ki tarah nahi. Anand dhyaniyo ki jati honi chahiye, hanste khelte jeeyo. Anand hai atma- anubhav, utsav hai us anubhav ke liye astitva ko dhanyavad. Jo dhyan ki aankh kholenge unake liye poora jeevan utsavmaya hoga.

Shreshth vahi hai jo jhuk sakta hai. Is pravachan me Osho ek bahut gahri baat kah rahe hain jo mahtvakanksha ki daud ke viprit hai. Sagar itana virat hai kyoki vah sabse niche hai isaliye har jharna usi me akar girta hai. Purab ne bahut bahut tarah se jhukne ka aur sab kuch pane ka raaj jaan liya hai. Jinhe hinta ki granthi hai ve hi daudte hai.

Prem ke pahaluo ko ujagar karnevala adbhut pravachan. Osho kahte hai ki prem me jab tak vyakti apna ahankar khota nahi hai tab tak prem nahi ho sakta. Prem hriday me ghatata hai aur hriday ke liye jhukna bahut asan hai. Prem mitne ki kala sikhata hai aur jine ki bhi.

Dharm, Sannyaas, Dhyaan ke rahsyon ka udghatan aur andh-shraddha par kutharaghaat Osho ki is pravachanmala ke pramukh swar hain. Bhaarat ki samaajik evam dhaarmik moodhtaon ne kis prakaar is desh ko dhyaan ki khumaari, prem ki khumaari se vanchit rakha hai yah Osho ne apni vaani dwara spasht kiya hai.

Kathinayi chaahe prem ke panth ki ho ya dhyaan ke maarg ki, pandhrah pravachanon ki is prashnottar pravachanmala mein Osho ne sabhi prashnon ke atyant saral aur subodh samaadhan diye hain. Shero-shaayari aur kavitaon se bharpoor ye pravachan panth ki saari kathinaayi ko door kar ek nayi subah ki tarah hamein abhibhoot kar lete hain. Osho kehte hain: 'Main to dekhta hoon ek naya suraj, ek nayi subah, ek naya manushyaa, ek nayi prithvi - vah roj nikharti aa rahi hai.

Ahankari vyakti pratipal isi hisab me laga rahta hai ki kis tarah se mere ahankar ko jyada sahara milega. Akad kar khada rahu, kisi ke samne na jhuku, chehre ko bilkul patthar ki murti bana lu, isase milega? Ya phir vinamrata se labh milega to vah vinamar hone ko bhi taiyar hai. Is ahankar se bachiye, yah maharog hai.

Kya aap dhyan karna chahte hai? to phir yah pravachan sune. Osho ke sutra saral hai: Ekant dyan ki bhumika hai, avyastata dhyan ka dvar hai, prakriti sannidhya dhyan me atyant sahayogi hai.Vichar shant ho jaye, akash se badaliya chali jayen, akash hi bache jo chetna se alokit ho.

Ye Buddha ke sutra hain jinmen Buddha aath angovala marga batate hain: samyak drishti, samyak sankalp, samyak vani, samyak karmant, samyak ajiv, samyak vyayam, samyak smriti, samyak samadhi. Osho ne. bahut gaharai se in aath ango ko samjhaya hai jo sadhak ke liye atyant upayogi hai.

Siddhon ka ek mahaan sandesh, 'Jaago', Osho ki vaani dwara in pravachanon mein aur bhi adhik mukharit hua hai. Osho kehte hain: 'Jaago, man jaagran ki bela! Aur jaagran ki bela hamesha hai. Aisa koi khsan nahi jab tum jaag na sako. Aisa koi pal nahi jab tum palak na khol sako. Aankh band kiye ho yah tumhaara nirnay hai. Aankh kholna chaho to isi khsan kraanti ghat sakti hai.

In The Secret, Osho introduces us to the world of love, and initiates us into the ways of love.

Humans have an inbuilt drive to search for their inner power and potentiality. This search is the search for life itself. We are here, we have life - but we don't know what life really is. We can feel our energy but don't know where this energy comes from and to what goal this energy is going. We are that energy; we have glimpses of its true source and our connection to it, and those glimpses keep us going even when it seems we will never find what we are seeking - but still we do not know what that energy is.